هان عليك

هاااااااااااااااااااان عليك؟؟؟؟؟؟؟؟؟؟؟؟؟؟؟؟؟
والله يعجز لساني عن إخراج الكلمات … من غير مقدمات … من غير بدايات … حبيبي وحبيبك أُسيئَ إليه… حبيبي وحبيبك سُبمحمد رسول الله سُب … حبيبك إللي عاش كل عمره عشاني وعشانكعشان نطلع مسلمين … وإلا كنا فحمة في جهنم ووقود لها …سُبياااااااااااااااااه … ده لو والدك إللي اتشتم كنت عملت إيه ؟ … كنت سكت ؟؟؟لو أختك ولا أخوك أتكلم حد في عرضهم وشرفهم وخاضوا فيه وأعلنوها .. كنت سكت ؟ كنت فضلت صامت كده ؟؟؟ أنا بصرخ فيك ؟ رد عليا ؟ كنت سكت ؟ كنت فضلت ساكت ؟ رد علياالجرح كبير أوي … والدم بينزف… لازم تحس … لازم تشعر … ليه مش حاسسده نبيك حبيبك
عايز تعرف كيف تكاتفوا ضد حبيبك ؟؟؟؟؟؟؟؟؟


في البداية نتاليا اليهودية عليها من الله ما تستحق ، ترسم صورة لخنزير وتكتب عليه إسم محمد أشرف خلق الله … ومش بس كده وتوزعها وتعلنها للناس كلها
ولسه مقمناش من الصدمة تنزل المطرقة على رأسنا قوية أوي ، صحيفة دانمركية ترسم صور استهزاء برسول الله ، والمسلمين حاولوا يشحتوا منهم الأسف وكانت النتيجة : ….
الصحيفة الدانمركية ترفض الإعتذار والملكة الدانمركية ترفض الإعتذار
ومش بس كده , الإتحاد الأوربي يتحدى أي حركة غضب ضد الدينمارك ، ويساندها بكل قوته الاقتصادية والإعلامية
ثم نجد أن الإعلام الفرنسي والسويدي يدعم سب النبي
ولسة مفقناش من الخبطة الموجعة نلاقي كنائس أوروبا بتعلق صور الاستهزاء برسول الله وتنشرها … وهي فعلا ً حرب علينا من كل النواحي
واخيرا …سبعة عشر جريدة دانمركية … تتوحد في إعادة نشر الصور اللي أغضبت العالم الإسلامي كله … كأنهم بيطلعوا لنا لسانهم … ولسان حالهم يقول أنتم مين يعني علشان نحترمكم ونحترم نبيكم … أنتم ولا حاجة
والتاريخ بيكرر نفسه … مثل ما أرادوا قتل رسول الله وتوزيع دمه بين القبائل ، أرادوا أن يوزعوا الكلام في عرضه بينهموبعد كل ده

لسه مش عايز تقف مع نفسك … انت لازم تقف معاها وتسألها ….هــــاااان عليــــك؟؟؟


حبيبك … عارفه ولا مش عارفه …فاكره ولا نسيه … إن كنت نسيته هو مش ناسيك حتى قبل ما تتولد … حبيبك إللي كان بيقول إنك وحشته….. قبل ما تيجي نفسه يشوفك … أنت أيوة أنت … عارف الحديثوددت أني قد رأيت إخواني قالوا يا رسول الله ألسنا إخوانك قال بل أنتم أصحابي وإخواني الذين لم يأتوا بعد وأنا فرطهم على الحوض ياااااااااااه نبيك حبيبك مستنيك على الحوض … مش عايز تقابله وتحضنه على الحوض ؟؟؟ … وتقول له حبيبي يا محمد أنا من أمتك … ونفسك تشرب من الحوض … وحلقك بيتقطع من العطش … وهو يناديك … ويشربك من يده شربه لن تظمأ بعدها أبدا ً … يا ترى ده إللي هيحصل ولا !!!! .. سيقولسحقا ً سحقا ً ” لما الملائكة تخبره : إنك لا تدري ما أحدثوا بعدك ؟يا حبيبي محمد ، إللي طول حياته تعب عشان إنت تتولد تلاقي نفسك مسلملك أمل في الجنة … هان عليك كل ده؟؟؟ … ياما تحمل عشان إنت تكون كدة … لما عقبة بن أبي معيط يأتي من خلفه فيخنقه بسوط حتى يكاد ان يلفظ أنفاسه وفي رواية أغمى عليه عشانك ، ويأتي المشركين كلهم يضربوه كأنه واحد كل الناس أتجمعت عليه علشان تضربه ، ولا يدافع عنه إلا أبي بكر ويقول :أتقتلون رجل أن يقول ربي الله ... حبيبك إللي أخر دعوته المستجابة ليوم القيامة عشاني وعشانك …وسيقول يوم القيامة…أمتي أمتي
يا حبيبي يارسول الله …. وفي الطائف ، لما سلطوا عليه الصبيان والأطفال والعبيد يقذفوه بالحجارة حتى سال الدم من قدميه ، لما كان بيعرض نفسه على القبائل من يؤويني ؟ من ينصرني ؟ ويسير في الأرض مهمومًا … فناداه ملك الجبال فسلم عليه ثم قال : يا محمد إن شئت أنْ أطبق عليهم الأخشبين ، فقال النبي بل أرجو أن يخرج الله من أصلابهم من يعبد الله وحده ولا يشرك به شيئا شفت أد إيه رحمته بينا؟؟؟ … ياحبيبي يا رسول اللهويطرد من مكة عشانك … عشان يوصل الدعوة … وينتشر الدين … ويوصلكلما تكسرت أسنانه وشجت رأسه عشانك … ولما يقتل أصحابه وأحب الناس إليه في الغزوات للدعوة لربنا عشانك … ويبكي وتذرف عينه بالدموع عشاني وعشانك … بعد كل ده … حبيبك يُسب وانت ساكت ؟؟؟!!! …..
لا لا …..لازم تتحركلازم تعمل حاجة … لازم

إنت السبــــــــــــب

لازم الوقتي نسأل سؤال مين السبب في كل ده ، كل واحد فينا السبب في ده ، كل واحد فينا مسئول ، كل واحد فينا السبب … بمعاصينا و بتخاذلنا عن رسول الله بتخاذلنا عن سنته ونصرته في نفسنا … تلاقي الواحد فينا بيقول بحبك بحبك يا رسول الله … وهو مش بيصلي و تلاقي كل حياته بنت بيمشي معاها … كل حياته موسيقى وأفلام وسهرات … ولبس ونوم … طيب تيجي إزاي … فين دينك … لازم تعرف إنك مسلم … لازم تعتز بده … فووووووووووء بقه … رسولك سُب … دينك كله بيضربرسولك اللي هو نصف دينك ومبني عليه الجزء الثاني أُسيئَ إليه … عايزين يهدموا دينك} وَيُرِيدُ الَّذِينَ يَتَّبِعُونَ الشَّهَوَاتِ أَن تَمِيلُواْ مَيْلاً عَظِيماً { كل واحد فينا لازم يستشعر إنه السبب … ولازم يكون له دور في الدفاع عن رسول الله

كلنا اليوم فــــــــــــــــــــــــــــــــــــــــــــداك
نعم فداك أبي وأمي ونفسي يارسول الله .. مش عايزين ده يكون كلاملازم يكون لنا كلنا دور في حملة الدفاع عن النبي .. أوعى تستصغر حجم أي شئ هتعمله …لو مش قادر تعمل حاجة يكفيك الصلاة عليه .. وربنا نصرنا بيها … عايزنهم يندموا أشد الندم إنهم سبوه … كلنا لازم نرجع لديننا … كل واحد فينا يراجع نفسه ألف مرة … وشوف ياترى عملي ده هينصر رسول الله ولا هيرجع ديني لورا ؟؟؟… يا جماعة لازم نغضب للإساءة … لازم غضبنا يفرق المرة دي … يا جماعة ده كلب غضب للإساءة لرسول الله لما رجل نصراني سب الرسول أمام المغول فنهش حنجرته وقتله وأسلم بسببه 40 ألف رجل ، ياترى مش هتغضب ؟؟ … لسة حاسس إن مافيش فرق … هتتحرك ولا لسة … مين اللي هيقولأنا لها … أنا لها … يلا شايفك عايز تقولها …

أنا لــــــــــــــــــها

هــــكذاااا نصروووه…….

من قرون … ضُرب سيدنا أبو بكر رضي الله عنه ، وهو يدافع عن الرسول وكان يقول : أتقتلون رجلا أن يقول ربي الله ، ونصره وخرج معه في الهجرة ، وبعد وفاته لما ارتد الناس عن الإسلام ، كان هو واقف أمام ارتدادهم ، وعمر يشهر سيفه أمام من تسول له نفسه بإيذاء النبي وعلي كرم الله وجهه ينام في فراشه يوم الهجرة فيضرب ويطعن و نفسه فداء لرسول الله ، وغلامين صغيرين معاذ بن عمرو ومعوذ بن عفراء يقتلان أبا جهل لأنه سب الرسول وأذاه ، و سعد بن الربيع يقول لكم : لا عذر لكم عند الله إن خلص إلى رسول الله rوفيكم عين تطرف ، وأبو دجانة ومصعب بن عمير يدافعان عنه يوم أحد ، و أبو طلحة زيد بن سهل يقول( نحري دون نحرك يا رسول الله )، وطلحة بن عبيد الله تُشل يده يوم أحد وهو يدافع عن الرسول ، وأبو عبيدة بن الجراح تكسر أسنانه وهو ينتزع حلقتا المغفر من خد النبي ، وأم عمارة تقاتل بالسيف دفاعا ً عنه حتى تجرح جرحا ً كبيرا ً في عاتقها والكثيروالآن
من سيقول : نحري دون نحرك يارسول الله ؟؟؟ وأكرر جملة سيدنا سعد: ” لا عذر لكم عند الله إن خلص إلى رسول الله وفيكم عين تطرفإحنا بس مش عندنا عين ، إحنا عندنا أموال وفكر وقوة و إعلام وشعر وكتابات ونت وكمبيوتر ودين لازم نحافظ عليه ، لازم نشتغل في الدين بكل قوتنا …. لازم ننصر رسولنا بكل ما نستطيع ………

ياترى الآن هنعمل إيه ؟؟؟؟؟؟؟؟؟؟؟؟

لازم ننصره ، من سينصره ، من سينضم لجيش محمد ، لازم نفَوّق المارد إللي جوانا في العمل للدين ، لازم نجعلهم يندموا على إسائتهم ونعرفهم إننا مش ضعفاء ، ردنا عليهم هيكون بالتمسك بتعاليم ديننا إللي هما عايزين يهدموه في حربهم علينا …. ودا جدول يوضح التوصيات العملية إللي لازم كلنا يكون لنا دور فيها ….

1–    الإلتزام بسنته صلي الله عليه وسلم.

2-    إدمان الصلاة والسلام على رسول الله صلي الله عليه وسلم.

3-    اعمل كل اللى تقدر عليه لنصرته …. استخدم مهاراتك ومواهبك … لو ليك في البرمجة اعمل برامج لنصرته …. لو ليك فى التصميم صمم اللي تقدر عليه فى نصرته.

4-    هجر الِمعاصي والذنوب  وغير من نفسك ….

خطبة رائعة للشيخ حازم شومان………

القاكم حين تشاء الاقدار………

اقرأ تدوينة عشوائية…………………

Add to FacebookAdd to DiggAdd to Del.icio.usAdd to StumbleuponAdd to RedditAdd to BlinklistAdd to TwitterAdd to TechnoratiAdd to Yahoo BuzzAdd to Newsvine

2 تعليقان to “هان عليك”

  1. osama agama Says:

    مو ضوع رائع الى الامام دائما فى انتظار الجديد وربنا يوفقك

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: